chandni raat badi der ke baad aai hai
lab pe ek baat badi der ke baad aai hai

jhum kar aaj ye shab-rang laten bikhra de
dekh barsat badi der ke baad aai hai [...]

mera khat hai jahan yaro wo rashk-e-hur le jaana
kisi surat se wan tak tum mera mazkur le jaana

agar wo shoala-ru puchhe mere dil ke phaphulon ko
to us ke samne ek khosha-e-angur le jaana [...]

agar hai manzur ye ki howe hamare sine ka dagh thanda
to aa lipatiye gale se ai jaan jhamak se kar jhap charagh thanda

hum aur tum jaan ab is qadar to mohabbaton mein hain ek tan man
lagaya tum ne jabin pe sandal hua hamara dimagh thanda [...]

ye misra kash naqsh-e-har-dar-o-diwar ho jae
jise jina ho marne ke liye tayyar ho jae

wahi mai-khwar hai jo is tarah mai-khwar ho jae
ki shisha tod de aur be-piye sarshaar ho jae [...]

chehre pe mere zulf ko phailao kisi din
kya roz garajte ho baras jao kisi din

raazon ki tarah utro mere dil mein kisi shab
dastak pe mere hath ki khul jao kisi din [...]

dil ko barbaad kiye jati hai
gham ba-dastur diye jati hai
mar chukin sari umiden 'akhtar'
aarzu hai ki jiye jati hai