husn-pari ho sath aur be-mausam ki barish ho jae
chhatri kaun kharidega phir jitni barish ho jae

aisi pyas ki shiddat hai ki main ye duaen karta hun
jitne samundar hain duniya mein sab ki barish ho jae [...]

zindagi-bhar nahin bhulegi wo barsat ki raat
ek anjaan hasina se mulaqat ki raat

hae wo reshmin zulfon se barasta pani
phul se galon pe rukne ko tarasta pani [...]

sukh jati hai meri chashm-e-rawan barish mein
aasman hota rahe ashk-e-fishan barish mein
sare sahrai rihai ke tamannai na the
aa gaya le ke hamein qais kahan barish mein
ghonsle tut gae ped gire bandh gire
ganw pe phir bhi jawan nashsha-e-jaan barish mein
teri sarsabz bahaaron pe damakte qatre
lauh-e-mahfuz ke kuchh ramz-e-nihan barish mein
lab-e-ehsas kabhi tu kisi qabil ho ja
chum le manzil-e-mubham ke nishan barish mein
hanpti kanpti mazbut iradon wali
bench pe baithi hui mahw-e-guman barish mein
pahli tap tap hi mere hosh uda deti hai
nind udti hai atak jati hai jaan barish mein
aaj bhi darta hun bijli ke kadake se bahut
us ko qabu mein kiya karti thi man barish mein
mere kamre ka makin habs gala ghontta hai
koi to ramz-e-aziyyat hai nihan barish mein

kachchi diwaron ko pani ki lahar kat gai
pahli barish hi ne barsat ki dhaya hai mujhe

dhuan udati hui dhimi dhimi barish hai
hawa ki andhi sawari pe andhi barish hai

hamare ganw ke raston ki kachchi mitti par
phisal rahe hain qadam kitni gandi barish hai [...]

main wo sahra jise pani ki hawas le dubi
tu wo baadal jo kabhi tut ke barsa hi nahin