duniya jise kahte hain jadu ka khilauna hai
mil jae to mitti hai kho jae to sona hai

koi nahin hai aane wala phir bhi koi aane ko hai
aate jate raat aur din mein kuchh to ji bahlane ko hai

chalo yahan se apni apni shakhon pe laut aae parinde
bhuli-bisri yaadon ko phir tanhai dohrane ko hai [...]

duniya jise kahte hain jadu ka khilauna hai
mil jae to mitti hai kho jae to sona hai

achchha sa koi mausam tanha sa koi aalam
har waqt ka rona to be-kar ka rona hai [...]

sunta hun bade ghaur se afsana-e-hasti
kuchh khwab hai kuchh asl hai kuchh tarz-e-ada hai

be-sabaati chaman-e-dahr ki hai jin pe khuli
hawas-e-rang na wo khwahish-e-bu karte hain

aadmi bulbula hai pani ka
aur pani ki bahti satha par
tutta bhi hai dubta bhi hai
phir ubharta hai, phir se bahta hai
na samundar nigal saka is ko
na tawarikh tod pai hai
waqt ki hatheli par bahta
aadmi bulbula hai pani ka