rakkhi hargiz na tere rukh ne rukh-e-badr ki qadr
khoi kakul ne bhi aakhir ko shab-e-qadr ki qadr

izzat-o-qadr ki us gul se tawaqqoa hai abas
wan na izzat ki kuchh izzat hai na kuchh qadr ki qadr [...]

altaf bayan hon kab hum se ai jaan tumhaari surat ke
hain lakhon apni aankhon par ehsan tumhaari surat ke

munh dekhe ki ye baat nahin sach puchho to ab duniya mein
behosh kare hain pariyon ko insan tumhaari surat ke [...]

qudrat-e-haq hai sabahat se tamasha hai wo rukh
khal-e-mushkin dil-e-firaun yad-e-baiza hai wo rukh

nur jo us mein hai khurshid mein wo nur kahan
ye agar husn ka chashma hai to dariya hai wo rukh [...]