taskin-e-dil-e-mahzun na hui wo sai-e-karam farma bhi gae
is sai-e-karam ko kya kahiye bahla bhi gae tadpa bhi gae

hum arz-e-wafa bhi kar na sake kuchh kah na sake kuchh sun na sake
yan hum ne zaban hi kholi thi wan aankh jhuki sharma bhi gae [...]

dard kaisa jo duboe na baha le jae
kya nadi jis mein rawani ho na gahrai ho

dard ho dukh ho to dawa kijiye
phat pade aasman to kya kijiye

dil ka sara dard simat aaya hai meri palkon mein
kitne taj-mahal dubenge pani ki in bundon mein

dard-e-dil kya bayan karun 'rashki'
us ko kab e'tibar aata hai

zindagi yun bhi guzar hi jati
kyun tera rahguzar yaad aaya

life would in any case pass by and by
your street i now recall, tell me why [...]