abhi kuchh aur karishme ghazal ke dekhte hain
'faraaz' ab zara lahja badal ke dekhte hain

judaiyan to muqaddar hain phir bhi jaan-e-safar
kuchh aur dur zara sath chal ke dekhte hain [...]

tum apne chand tare kahkashan chahe jise dena
meri aankhon pe apni did ki ek sham likh dena

mera ji to aankhon mein aaya ye sunte
ki didar bhi ek din aam hoga

kasa-e-chashm le ke jun nargis
hum ne didar ki gadai ki

aap idhar aae udhar din aur iman gae
id ka chand nazar aaya to ramzan gae

kahan tak waqt ke dariya ko hum thahra hua dekhen
ye hasrat hai ki in aankhon se kuchh hota hua dekhen

bahut muddat hui ye aarzu karte hue hum ko
kabhi manzar kahin hum koi an-dekha hua dekhen [...]