watan ke jaan-nisar hain watan ke kaam aaenge
hum is zamin ko ek roz aasman banaenge

dilon mein hubb-e-watan hai agar to ek raho
nikhaarna ye chaman hai agar to ek raho

ai ahl-e-watan sham-o-sahar jagte rahna
aghyar hain aamada-e-shar jagte rahna

sarfaroshi ki tamanna ab hamare dil mein hai
dekhna hai zor kitna bazu-e-qatil mein hai

ai shahid-e-mulk-o-millat main tere upar nisar
le teri himmat ka charcha ghair ki mahfil mein hai [...]

bhaarat pyara desh hamara sab deshon se nyara hai
har rut har ek mausam is ka kaisa pyara pyara hai

kaisa suhana kaisa sundar pyara des hamara hai
dukh mein sukh mein har haalat mein bhaarat dil ka sahaara hai [...]

hum bhaarat ke rakhwale hain
sab is ke bachche baale hain

kaise ye bihaari kashmiri
aur kya hain ye uttarpardeshi [...]