ye kya tilism hai duniya pe bar guzri hai
wo zindagi jo sar-e-rahguzar guzri hai

gulon ki gum-shudagi se suragh milta hai
kahin chaman se nasim-e-bahaar guzri hai [...]

sansar ki har shai ka itna hi fasana hai
ek dhund se aana hai ek dhund mein jaana hai

ye rah kahan se hai ye rah kahan tak hai
ye raaz koi rahi samjha hai na jaana hai [...]

ab to be-dad pe be-dad karegi duniya
hum na honge to hamein yaad karegi duniya

zindagi bhag chali maut ke darwaze se
ab qafas kaun sa ijad karegi duniya [...]

ye musht-e-khak apne ko jahan chahe tahan le ja
par is aalam ko is aalam se mat bar-e-garan le ja

adam se jis tarah tanha chala aaya tha phir wan ko
munasib hai isi surat se surat chhod jaan le ja [...]

duniya jise kahte hain jadu ka khilauna hai
mil jae to mitti hai kho jae to sona hai

achchha sa koi mausam tanha sa koi aalam
har waqt ka rona to be-kar ka rona hai [...]

rah ke makkaron mein makkar hui hai duniya
mere dushman ki taraf-dar hui hai duniya

pak daman thi ye jab tak thi mere hujre mein
chhod ke mujh ko gunahgar hui hai duniya [...]