mile qatra qatra ye kya zindagi hai
ai dariya-e-rahmat wahi tishnagi hai

ehsan-e-rab mohabbaten itni milin 'adil'
is umr-e-mukhtasar mein na lauta sakenge hum

sar pe ehsan raha be-sar-o-samani ka
khar-e-sahra se na uljha kabhi daman apna

sach hai ehsan ka bhi bojh bahut hota hai
chaar phulon se dabi jati hai turbat meri

jis ne kuchh ehsan kiya ek bojh sar par rakh diya
sar se tinka kya utara sar pe chhappar rakh diya

anyone who did a favour placed a burden on my head
removed a straw from over me, and placed a mountain instead [...]

is dasht pe ehsan na kar ai abr-e-rawan aur
jab aag ho nam-khurda to uthta hai dhuan aur