lo id aai lo do puliye maidan mein bhar bazar laga
har chahat ka saman hua har neamat ka ambar laga

sab ujla shahr umand aaya shalwar saja dastar laga
is bhid ke biphre tufan mein jo dub gaya so par laga [...]

hai eid mai-kade ko chalo dekhta hai kaun
shahd o shakar pe tut pade roza-dar aaj

musalman qarz le kar eid ka saman kharidenge
jo dana hain wo bechenge jo hain nadan kharidenge

jo sayyan shauq se khaen wo siwayyan kharidenge
murkkab sud ka sauda ba-naqd-e-jaan kharidenge [...]

sajti thi kabhi tan pe jo thi eid ki achkan
sajte the kabhi ham, to kabhi eid ki achkan

sau sau tarah parwan chadhi eid ki achkan
ab itne ghate hum ki badhi eid ki achkan [...]

eid ko bhi wo nahin milte hain mujh se na milen
ek baras din ki mulaqat hai ye bhi na sahi

chalo hum eid manaen ki jashn ka din hai
khushi ke git sunaen ki jashn ka din hai

rukhon pe phul khilaen ki jashn ka din hai
dilon mein prit jagaen ki jashn ka din hai [...]