tu meri ibtida tu meri intiha main samundar hun tu sahilon ki hawa
teri manzil bane mera har rasta main samundar hun tu sahilon ki hawa

roz-o-shab mauj-dar-mauj hun dar-ba-dar roz-o-shab sahilon par patakta hun sar
hath aata nahin phir bhi daman tera main samundar hun tu sahilon ki hawa [...]

main tere sang kaise chalun ham-safar tu samundar hai main sahilon ki hawa
tu kahan main kahan al-aman al-hazar tu samundar hai main sahilon ki hawa

tujh se hai sab ye husn-e-jahan mo'tabar tujh ko sajde kare kahkashan sar ba-sar
tu harim-e-qamar main hazin-e-sahar tu samundar hai main sahilon ki hawa [...]