jab kabhi yunhi sanak jata hun main
shaeri mein dakhl farmata hun main

dhund leta hun radif-o-qafiye
baith kar phir sher farmata hun main [...]

wo shakhs jis ke pas koi mal-o-zar nahin
wo khush-nasib hai use apnon ka dar nahin

aashiq hun un pe un ki wiladat ke waqt se
aur wo ye kah rahe hain mujhe kuchh khabar nahin [...]

waziron ki adakari jo pahle thi sab ab bhi hai
wahi nas nas mein makkari jo pahle thi so ab bhi hai

wahi masjid wahi mandir wahi nafrat bhare bhashan
wahi talwar do-dhaari jo pahle thi so ab bhi hai [...]

meri jaanib wo khalis shorba sarkae jate hain
magar khud murgh par apna karam farmae jate hain

kaha tha doctor ne bach ke rahna khush-khuraki se
magar tauba wo baithe hain to ab tak khae jate hain [...]

ek bose ke liye itna hamein daudaenge
kya khabar thi wo qutub-minar par chadh jaenge

chaar din ke ishq ne hum ko khamira kar diya
dekhna hai aur wo kitna karam farmaenge [...]

kya kya na dawa khai la-haul wala quwwat
aai na tawanai la-haul wala quwwat

hum ko gham-e-furqat mein do din hi bukhar aaya
kya shakl nikal aai la-haul wala quwwat [...]