khudi ka nashsha chadha aap mein raha na gaya
khuda bane the 'yagana' magar bana na gaya

amal ka radd-e-amal waqt ka jawab hun main
qubul kijiye qudrat ka intikhab hun main

aziyyaton ka safar sabr aur khamoshi
abhi to sare mahazon pe kaamyab hun main [...]

hamein kam-bakht ehsas-e-khudi us dar pe le baitha
hum uth jate to wo parda bhi uth jata jo hail tha

khudi wo bahr hai jis ka koi kinara nahin
tu aabju ise samjha agar to chaara nahin

chhoda nahin khudi ko daude khuda ke pichhe
aasan ko chhod bande mushkil ko dhundte hain

dayar-e-ishq mein apna maqam paida kar
naya zamana nae subh o sham paida kar
khuda agar dil-e-fitrat-shanas de tujh ko
sukut-e-lala-o-gul se kalam paida kar
utha na shishagaran-e-farang ke ehsan
sifal-e-hind se mina o jam paida kar
main shakh-e-tak hun meri ghazal hai mera samar
mere samar se mai-e-lala-fam paida kar
mera tariq amiri nahin faqiri hai
khudi na bech gharibi mein nam paida kar