meri zindagi ki likhi hui
mere taq-e-dil pe saji hui

wo kitab ab bhi hai muntazir
jise main kabhi nahin padh saki [...]

kitab gumrah kar rahi hai
pa ek yaqin hai ki

itni gumrahiyon ke pichhe
koi to ek rah hogi [...]

kuchh apne kaam nahin aawe jam-e-jam ki kitab
kifayat apne ko bas ek apne gham ki kitab

nahin khayal siwa us ke aur hai dil mein
jo maktab ishq mein jaise padha sanam ki kitab [...]

ajab ghadi thi
kitab kichad mein gir padi thi

chamakte lafzon ki maili aankhon mein uljhe aansu bula rahe the
magar mujhe hosh hi kahan tha [...]

tum jab aaogi to khoya hua paogi mujhe
meri tanhai mein khwabon ke siwa kuchh bhi nahin
mere kamre ko sajaane ki tamanna hai tumhein
mere kamre mein kitabon ke siwa kuchh bhi nahin
in kitabon ne bada zulm kiya hai mujh par
in mein ek ramz hai jis ramz ka mara hua zehn
muzhda-e-ishrat-e-anjam nahin pa sakta
zindagi mein kabhi aaram nahin pa sakta