rudad-e-mohabbat kya kahiye kuchh yaad rahi kuchh bhul gae
do din ki masarrat kya kahiye kuchh yaad rahi kuchh bhul gae

jab jam diya tha saqi ne jab daur chala tha mahfil mein
ek hosh ki saat kya kahiye kuchh yaad rahi kuchh bhul gae [...]

un ko ye shikayat hai ki hum kuchh nahin kahte
apni to ye aadat hai ki hum kuchh nahin kahte

majbur bahut karta hai ye dil to zaban ko
kuchh aisi hi haalat hai ki hum kuchh nahin kahte [...]

kya maslahat-shanas tha wo aadmi 'qatil'
majburiyon ka jis ne wafa nam rakh diya

koi nahin hai aane wala phir bhi koi aane ko hai
aate jate raat aur din mein kuchh to ji bahlane ko hai

chalo yahan se apni apni shakhon pe laut aae parinde
bhuli-bisri yaadon ko phir tanhai dohrane ko hai [...]

duniya jise kahte hain jadu ka khilauna hai
mil jae to mitti hai kho jae to sona hai

achchha sa koi mausam tanha sa koi aalam
har waqt ka rona to be-kar ka rona hai [...]

teri majburiyan durust magar
tu ne wada kiya tha yaad to kar