koi hasin manzar aankhon se jab ojhal ho jaega
mujh ko pagal kahne wala khud hi pagal ho jaega

palkon pe us ki jale bujhenge jugnu jab meri yaadon ke
kamre mein hongi barsaten ghar jangal ho jaega [...]

dil ke diwar-o-dar pe kya dekha
bas tera nam hi likha dekha

teri aankhon mein hum ne kya dekha
kabhi qatil kabhi khuda dekha [...]

kya jaane use wahm hai kya meri taraf se
jo khwab mein bhi raat ko tanha nahin aata

i wonder to what misgivings she is prone
that even in my dreams she's not alone [...]

lamha lamha bar hai tere baghair
zindagi dushwar hai tere baghair

dil ki be-tabi ka aalam kya kahun
har nafas talwar hai tere baghair [...]

sar-e-rah ab na yun mujh ko pukaro tum hi aa jao
zara zahmat to hogi raaz-daro tum hi aa jao

kahin aisa na ho dam tod den hasrat se diwane
qafas tak un se milne ko bahaaro tum hi aa jao [...]

mera mashuq hai mazon mein bhara
kabhu mitha kabhu salona hai