main ne kaha ki shahr mein ek charagh bhi nahin
us ne kaha ki zakhm bhi kya nahin dagh bhi nahin

main ne kaha ki aakhirash mujh ko khuda na mil saka
us ne kaha ki mere pas apna suragh bhi nahin [...]

us ne kaha hasti teri main ne kaha jalwa tera
us ne kaha phir nisti main ne kaha parda tera

us ne kaha jaana mera main ne kaha meri ajal
us ne kaha phir zindagi main ne kaha aana tera [...]

main ne kaha ki shahr ke haq mein dua karo
us ne kaha ki baat ghalat mat kaha karo

main ne kaha ki raat se bijli bhi band hai
us ne kaha ki hath se pankha jhala karo [...]

hasin chehron se surat-ashnai hoti rahti hai
samajh lo ibtidai karawai hoti rahti hai

hamari biwi aur mahngai donon hain sagi bahnen
hamari jeb ki aksar safai hoti rahti hai [...]

main ne kaha ki tajziya-e-jism-o-jaan karo
us ne kaha ye baat supurd-e-butan karo

main ne kaha ki bahaar-e-abad ka koi suragh
us ne kaha taaqub-e-lala-e-rukhan karo [...]

main jo kahta hun tu kajrawi chhod de
wo ye kahti hai tu dosti chhod de

main ye kahta hun mujh ko diwana bana
wo ye kahti hai diwangi chhod de [...]