sahil pe lai aur safine dubo diye
yun zindagi ne hum ko hansaya ki ro diye

ahl-e-chaman ne jashn-e-bahaaran ke nam se
wo dastan sunai ki daman bhigo diye [...]

zakhm purane phul sabhi basi ho jaenge
dard ke sab qisse yaad-e-mazi ho jaenge

sansen leti taswiron ko chup lag jaegi
sare naqsh karishmon se aari ho jaenge [...]

sab se behtar hai ki mujh par mehrban koi na ho
ham-nashin koi na ho aur raaz-dan koi na ho

mariye is hasrat mein gar qatil na hath aawe kahin
roiye apne pe khud gar nauha-khwan koi na ho [...]

koi to aisa ghar hota jahan se pyar mil jata
wahi begane chehre hain jahan jaen jidhar jaen

is judai mein tum andar se bikhar jaoge
kisi mazur ko dekhoge to yaad aaunga

samundar mein utarta hun to aankhen bhig jati hain
teri aankhon ko padhta hun to aankhen bhig jati hain

tumhaara nam likhne ki ijazat chhin gai jab se
koi bhi lafz likhta hun to aankhen bhig jati hain [...]