kis tarah banaen hum apna ye makan yaro ret is nagar ki hai int is nagar ki hai
jodte unhen kaise aur phir kahan yaro ret is nagar ki hai int is nagar ki hai

ek hasrat-e-tamir dil mein jo zara si thi dar tha jag utthegi aur jag utthi hai
kan khol kar sun lo tum mera bayan yaro ret is nagar ki hai int is nagar ki hai [...]

tawil raaton ki khamushi mein meri fughan thak ke so gai hai
tumhaari aankhon ne jo kahi thi wo dastan thak ke so gai hai

gila nahin tujh se zindagi ke wo zawiye hi badal chuke hain
meri wafa wo tere taghaful ki nauha-khwan thak ke so gai hai [...]

shash-jihat nuh falak aaenge nazar do-bata-tin
chhe-bata-nau ke barabar hai agar do-bata-tin

do khilaune jo kabhi hum ne tipai pe dhare
aa gae saf muhandis ko nazar do-bata-tin [...]

apna pata mujhe bata bahr-e-khuda tu kaun hai
tujh pe hain sare mubtala bahr-e-khuda tu kaun hai

nam-e-khuda suna kiya tere siwa nahin mila
sari sifat se hai bhara bahr-e-khuda tu kaun hai [...]

hazaron dukh paden sahna mohabbat mar nahin sakti
hai tum se bas yahi kahna mohabbat mar nahin sakti

tera har bar mere khat ko padhna aur ro dena
mera har bar likh dena mohabbat mar nahin sakti [...]

ye shabnam phul tare chandni mein aks kis ka hai
sunahri dhup chhanw raushni mein aks kis ka hai

ye dhalti sham ye qaus-e-quzah ki rang-amezi
ye nile aasman ki dilkashi mein aks kis ka hai [...]