sab ki izzat sab se mohabbat urdu bolne wala hun
dhima lahja narm tabiat urdu bolne wala hun

sab ki zaban se nam tha un ka ye meri pahchan bani
fakhr mera hai ek yahi nisbat urdu bolne wala hun [...]

urdu hai jis ka nam hamari zaban hai
duniya ki har zaban se pyari zaban hai

hum na urdu mein na hindi mein ghazal kahte hain
hum to bas aap ki boli mein ghazal kahte hain

wo to aabaad rakha hum ne jahan-e-urdu
warna tum kab ka mita dete nishan-e-urdu

na siyahi ka samundar na falak sa kaghaz
kaise likkhe koi tarif-e-zaban-e-urdu [...]

main urdu zaban hun
mujhe aaryaon ne pala

meri asl hindostan hai
ki mere lahu se hi wedon ki aayat likkhi gai hain [...]

aaghosh-e-walida mein pala tha hum ko jis ne
ek paikar-e-adab mein dhaala tha hum ko jis ne

jis ne hai ibtida se har zindagi sanwari
wo madari zaban hai urdu zaban hamari [...]