dil gham se bhi bezar hai malum nahin kyon
ye aish bhi ab yar hai malum nahin kyon

aalam hama dildar hai malum nahin kyon
jo gham hai gham-e-yar hai malum nahin kyon [...]

nigahon ka markaz bana ja raha hun
mohabbat ke hathon luta ja raha hun

main qatra hun lekin ba-aghosh-e-dariya
azal se abad tak baha ja raha hun [...]

mujhe tum apni banhon mein jakad lo aur main tum ko
kisi bhi dil-kusha jazbe se yaksar na-shanasana

nashat-e-rang ki sarshaari-e-haalat se begana
mujhe tum apni banhon mein jakad lo aur main tum ko [...]

mujhe gharaz hai meri jaan ghul machane se
na tere aane se matlab na tere jaane se

ajib hai meri fitrat ki aaj hi maslan
mujhe sukun mila hai tere na aane se [...]

ba-qadr-e-paimana-e-takhayyul surur har dil mein hai khudi ka
agar na ho ye fareb-e-paiham to dam nikal jae aadmi ka

bas ek ehsas-e-na-rasai na josh is mein na hosh us ko
junun pe haalat rubudgi ki khirad pe aalam ghunudgi ka [...]

ye saqi ki karamat hai ki faiz-e-mai-parasti hai
ghata ke bhes mein mai-khane par rahmat barasti hai

ye jo kuchh dekhte hain hum fareb-e-khwab-e-hasti hai
takhayyul ke karishme hain bulandi hai na pasti hai [...]