sun chuke jab haal mera le ke angdai kaha
kis ghazab ka dard zalim tere afsane mein tha

tum the to har ek dard tumhin se tha ibarat
ab zindagi khanon mein basar hone lagi hai

aae hain ghar mera sajaane dard
kuchh nae aur kuchh purane dard

zikr-e-jaanan ke bagh se guzre
zakhm mahke hue suhane dard [...]

dukh de ya ruswai de
gham ko mere gahrai de

meri dastan-e-hasrat wo suna suna ke roe
mere aazmane wale mujhe aazma ke roe

koi aisa ahl-e-dil ho ki fasana-e-mohabbat
main use suna ke roun wo mujhe suna ke roe [...]

mohabbat tark ki main ne gareban si liya main ne
zamane ab to khush ho zahr ye bhi pi liya main ne

love i have renounced and sewn the collar that was ripped
o world now you be happy for this poison i have sipped [...]