tanhai se hai sohbat din raat judai mein
kya khub guzarti hai auqat judai mein
rukhsat ho chala tha tab daman na tera thama
afsos ki malte hain ab hath judai mein
kiya zikr hai aansu ka zalim meri aankhon se
khun-nab hi tapke hai yak zat judai mein
jab wasl tha un rozon yak dil hi pe aafat thi
ab jaan ka hai sauda haihat judai mein
ye nala-o-zari ye khastagi o khwari
jidhar ko chalun 'joshish' hain sat judai mein

nazar-nawaz nazaron mein ji nahin lagta
wo kya gae ki bahaaron mein ji nahin lagta

shab-e-firaq ko ai chand aa ke chamka de
nazar udas hai taron mein ji nahin lagta [...]

tumhaari aankh bhi har roz kajal se sanwarti hai
mujhe bhi shawe karne mein kabhi nagha nahin hota

main khayal hun kisi aur ka mujhe sochta koi aur hai
sar-e-aina mera aks hai pas-e-aina koi aur hai

i am someone else's thought, someone else brings me to mind
my image in the mirror wrought, someone else is there behind [...]

mohabbat tark ki main ne gareban si liya main ne
zamane ab to khush ho zahr ye bhi pi liya main ne

love i have renounced and sewn the collar that was ripped
o world now you be happy for this poison i have sipped [...]

wo to hashr tha magar us ki ab wo shabahaten bhi chali gain
jo rahen to shahar mein kya rahen ki qayamaten bhi chali gain

tere dam se thin sabhi raunaqen wo habib the ki raqib the
wo qarabaten to gai hi thin wo riqabaten bhi chali gain [...]