jitni wo mere haal pe karte hain jafaen
aata hai mujhe un ki mohabbat ka yaqin aur

more the cruelty from her that i receive
more in her affection for me do i believe [...]

tir par tir lagao tumhein dar kis ka hai
sina kis ka hai meri jaan jigar kis ka hai

lutf aane laga jafaon mein
wo kahin mehrban na ho jae

i've started to enjoy her tortures by and by
i hope she doesn't now decide to [...]

bahut se logon ko gham ne jila ke mar diya
jo bach rahe the unhen mai pila ke mar diya

ye kya ada hai ki jab un ki barhami se hum
na mar sake to hamein muskura ke mar diya [...]

har bar mere samne aati rahi ho tum
har bar tum se mil ke bichhadta raha hun main
tum kaun ho ye khud bhi nahin jaanti ho tum
main kaun hun ye khud bhi nahin jaanta hun main
tum mujh ko jaan kar hi padi ho azab mein
aur is tarah khud apni saza ban gaya hun main
tum jis zamin par ho main us ka khuda nahin
pas sar-ba-sar aziyyat o aazar hi raho
bezar ho gai ho bahut zindagi se tum
jab bas mein kuchh nahin hai to bezar hi raho
tum ko yahan ke saya o partaw se kya gharaz
tum apne haq mein bich ki diwar hi raho
main ibtida-e-ishq se be-mehr hi raha
tum intiha-e-ishq ka mear hi raho
tum khun thukti ho ye sun kar khushi hui
is rang is ada mein bhi purkar hi raho
main ne ye kab kaha tha mohabbat mein hai najat
main ne ye kab kaha tha wafadar hi raho
apni mata-e-naz luta kar mere liye
bazar-e-iltifat mein nadar hi raho
jab main tumhein nashat-e-mohabbat na de saka
gham mein kabhi sukun-e-rifaqat na de saka
jab mere sab charagh-e-tamanna hawa ke hain
jab mere sare khwab kisi bewafa ke hain
phir mujh ko chahne ka tumhein koi haq nahin
tanha karahne ka tumhein koi haq nahin

ki mere qatl ke baad us ne jafa se tauba
hae us zud-pashiman ka pashiman hona
after she had slain me then from torture she forswore
alas! the one now quickly shamed was not so before