tanhai se hai sohbat din raat judai mein
kya khub guzarti hai auqat judai mein
rukhsat ho chala tha tab daman na tera thama
afsos ki malte hain ab hath judai mein
kiya zikr hai aansu ka zalim meri aankhon se
khun-nab hi tapke hai yak zat judai mein
jab wasl tha un rozon yak dil hi pe aafat thi
ab jaan ka hai sauda haihat judai mein
ye nala-o-zari ye khastagi o khwari
jidhar ko chalun 'joshish' hain sat judai mein

samundar mein utarta hun to aankhen bhig jati hain
teri aankhon ko padhta hun to aankhen bhig jati hain

tumhaara nam likhne ki ijazat chhin gai jab se
koi bhi lafz likhta hun to aankhen bhig jati hain [...]

aankhon mein chubh gain teri yaadon ki kirchiyan
kandhon pe gham ki shaal hai aur chand raat hai

dil tod ke khamosh nazaron ka kya mila
shabnam ka ye sawal hai aur chand raat hai [...]

ai mohabbat tere anjam pe rona aaya
jaane kyun aaj tere nam pe rona aaya

love your sad conclusion makes me weep
wonder why your mention makes me weep [...]

rukhsat hua to aankh mila kar nahin gaya
wo kyun gaya hai ye bhi bata kar nahin gaya

wo yun gaya ki baad-e-saba yaad aa gai
ehsas tak bhi hum ko dila kar nahin gaya [...]

kitni be-nur thi din bhar nazar-e-parwana
raat aai to hui hai sahar-e-parwana

shama jalte hi yahan hashr ka manzar hoga
phir koi pa na sakega khabar-e-parwana [...]