RUBAAI SHAYARI IMAGES | QUATRAIN POETRY COLLECTION

31 QUATRAIN POETRY IMAGES

Explore the beauty of rubaai poetry through our collection. Each piece showcases the precise four-line format that captures deep meanings.

ai raunaq-e-lala-zar wapas aa ja
ai daulat-e-barg-o-bar wapas aa ja
aise mein ki nau-bahaar hai khuld-ba-dosh
ai nazish-e-nau-bahaar wapas aa ja

ai mani-e-kainat mujh mein aa ja
ai raaz-e-sifat-o-zat mujh mein aa ja
sota sansar jhilmilate tare
ab bhig chali hai raat mujh mein aa ja

ai dil jo ye aankh aaj ladai us ne
aur pal mein lada ke phir jhukai us ne
apni bebaki aur haya ki khubi
thi hum ko dikhani so dikhai us ne

ai bakht-e-rasa su-e-najaf rahi kar
mujh zar ko zair-e-yad-ul-lahi kar
le ja su-e-karbala meri musht-e-ghubar
ai baad-e-saba itni hawa-khwahi kar

afzun hain bayan se mojizat-e-haidar
halal muhimmat hai zat-e-haidar
tauret injil aur zabur o quran
hain ek rubai sifat-e-haidar

afzal koi murtaza se himmat mein nahin
is tarah ka banda to haqiqat mein nahin
tuba tasnim-o-khuld-o-seb-o-rumman
wo kya hai jo haidar ki wilayat mein nahin

afsurda faza pe jaise chhaya ho hiras
duniya ko koi hawa bhi aati nahin ras
dubi jati ho jaise nabz-e-kaunain
jis baat pe husn aaj itna hai udas

afsos shikayat-e-nihani na gai
dil par se raqib ki girani na gai
altaf the bas ki ru-ba-ru-e-dushman
us shokh se bad-gumani na gai

afsos sharab pi raha hun tanha
ghalatan-ba-subu tamam khun-e-fan-ha
thithuri hui saghar mein nazar aati hai
sahba razi-allaho-taala-anha

afsana-e-gham hai shadmani meri
main kaun hun aur kya jawani meri
hansta hun ki muqtaza-e-hasti hai ye
rota hun ki zindagi hai fani meri

aflas achchha na fikr-e-daulat achchhi
jo dil ko pasand ho wo haalat achchhi
jis se islah-e-nafs na-mumkin ho
us aish se har tarah musibat achchhi

aflak pe jab parcham-e-shab lahraya
saqi ne bhara saghar-e-mah chhalkaya
kuchh soch ke kuchh der tammul kar ke
us ne bhi zara parda-e-rukh sarkaya

ab zer-e-qadam lahad ka bab aa pahuncha
hushiyar ho jald waqt-e-khwab aa pahuncha
piri ki bhi dopahar dhali aah 'anis'
hangam-e-ghurub-e-aftab aa pahuncha

ab walwale ishq ke tamanna mein nahin
majnun koi justuju-e-laila mein nahin
jaane guzre hain kis tarah se rah-rau
ek naqsh-e-qadam bhi reg-e-sahra mein nahin

ab khwab se chaunk waqt-e-bedari hai
le zad-e-safar kuch ki tayyari hai
mar mar ke pahunchte hain musafir wan tak
ye qabr ki manzil bhi ghazab ki bhaari hai

ab jazba-e-wahshat ki qasam mat khao
rah rah ke mohabbat ki qasam mat khao
aankhon ki chamak khol na de sara bharam
khud apni sadaqat ki qasam mat khao

ab hind ki zulmat se nikalta hun main
taufiq rafiq ho to chalta hun main
taqdir ne bediyan to kati hain 'anis'
kyun ruk gae panw hath malta hun main

ab garm khabar maut ke aane ki hai
ghafil tujhe fikr aab-o-dane ki hai
hasti ke liye zarur ek din hai fana
aana tera dalil jaane ki hai

aazadi-e-fikr o dars-e-hikmat hai gunah
dana ke liye nahin koi ja-e-panah
is azhdar-e-tahzib ke farzand-e-rashid
ye mazhab o qanun ayazan-billah

aawaz pe sangit ka hota hai bharam
karwat leti hai narm lai mein sargam
ye bol surile thartharaati hai faza
an-dekhe saz ka khanakna paiham

aati hai to khilti hai gulabon ki tarah
deti hai nasha tund sharabon ki tarah
lekin koi dekhe ye jawani ka maal
bikhri hai padhi hui kitabon ki tarah

aata nahin sanson mein maza panne ka
khilta hi nahin zakhm mere sine ka
har roz agar ek rubai na kahun
hota nahin haq jaise ada jine ka

aasudgi-e-zat nahin ho sakti
sairabi-e-jazbaat nahin ho sakti
jo itni tunak-maya ho duniya us mein
meri guzar-auqat nahin ho sakti

aashob-e-zamana se hai darna kaisa
buzdil ki tarah shikwa hai karna kaisa
marna to bahar-haal hai ek rose 'obaid'
marne se magar pahle hi marna kaisa

aaba ko zamin o mulk par itminan
aulad ko sasti ye qanaat ka guman
bachche aawara aur be-kar jawan
hain aise gharane koi din ke mehman