aandhi hai tez dhul se ghar aur at na jae
tute kiwad band karo dam ulat na jae

be-samt zindagi ka safar ban ki raat hai
nagin sa waqt das ke achanak palat na jae

ujda hua makan hai dastak na dijiye
saya koi kahin se nikal kar lipat na jae

chhota sa ghar sahi use rakhiye sambhaal ke
mulkon ki qismaton ki tarah ye bhi bat na jae

shishe ke ghar mein soch ke rakhiye 'zafar' qadam
sang-e-sada ki chuk se diwar phat na jae