aap ka dil kya mere dil se mila

By nooh-narviNovember 11, 2020
aap ka dil kya mere dil se mila
mah-e-kaamil sham-e-mahfil se mila
us ka milna jaante the sahl hum
kitni diqqat kitni mushkil se mila


lutf us ka zulm us ka dekhiye
mujh se mil kar sari mahfil se mila
chor aisa mukhbir aisa chahiye
mujh ko dilbar ka pata dil se mila


ab se kuchh milne-milane ka maza
aap ka dil 'nuh' ke dil se mila
75184 viewsghazalEnglish