chilla rahi hain jis pe zabanen lahu lagi

chilla rahi hain jis pe zabanen lahu lagi
ye wo sada thi jo mujhe bar-e-gulo lagi
kya kya na miss kiya tujhe main ne firaq mein
lekin teri kami jo tere ru-ba-ru lagi


main tab qarar dunga tujhe apna ham-sukhan
jab meri khamushi bhi tujhe guftugu lagi
ab ghir ke rah gaya hun ajab azhdaham mein
har aarzu key pusht se hai aarzu lagi


ai hasrat-e-kamal kuchh apna khayal kar
mar hi na jae yun mere sine se to lagi
badnam ho gae hain jise likh ke aaj hum
kal dekhiyega film yahi ku-ba-ku lagi


bardasht ka azab meri khamushi se puchh
topen sadaon ki hain mere chaar su lagi