dukhon ki wadi mein har sham ka guzar aise

By syeda-ziya-khalidaNovember 22, 2020
dukhon ki wadi mein har sham ka guzar aise
tumhaari yaad ka phaila ho dhundlaka jaise
sitam-zarif bata kis tarah manaun tujhe
ki juz tere main guzarungi zindagi kaise


ruton mein aaya nazar pyar ka rachao mujhe
tere wajud ko khud mein samo liya aise
bhari bahaar jo guzri to phir guzarti gai
magar hamein to khabar hi na ho saki jaise


mohabbaton ke jaziron ke khwab baqi hain
wagarna din ke ujale bhi rakh hain jaise
91276 viewsghazalEnglish