ek kali ko gulab hona tha mera khana-kharab hona tha us ko bechain pa ke dil mein mere ek ajab iztirab hona tha jis se ye dil mera bahal jata aankh mein aisa khwab hona tha dil ki aankhon se jis ko main padhta tum ko aisi kitab hona tha hum ne pechida wo sawal kiya aap ko la-jawab hona tha jis jagah par gunah hote hain us jagah par azab hona tha meri har ek khata ka ai 'ahmad' ek na ek din hisab hona tha