fikr-e-ranj-o-alam aur main

By jaleel-arshad-khan-rashidApril 21, 2021
fikr-e-ranj-o-alam aur main
hamrahi ek gham aur main
teri baaten karte hain
raat dawat qalam aur main


tujh ko dhundte rahte hain
meri chashm-e-nam aur main
pas hai mere internet
hath mein jam-e-jam aur main


ek to teri kaj-khulqi
phir duniya ke sitam aur main
kab tak sath jalen 'rashid'
hijr ke ye mausam aur main


95834 viewsghazalEnglish