har makan la-makan ki gunjaish
dil mein hai do-jahan ki gunjaish

par-e-parwaz mein utar aai
wusat-e-asman ki gunjaish

sajda-e-shauq mein sama jae
aap ke aastan ki gunjaish

nam us ko wafa ka mat dije
jis mein ho imtihan ki gunjaish

husn-e-amal ka tayyun kar
dekh umr-e-rawan ki gunjaish

phail jae to aasman chhu le
us ke zikr-o-bayan ki gunjaish

ye girani ke pech-o-kham 'iqbaal'
kya bachat aur kahan ki gunjaish