kakrochon makDiyon ki fasl aa kar tu bhi dekh

kakrochon makdiyon ki fasl aa kar tu bhi dekh
umr-bhar dekha jo main ne wo ghadi-bhar tu bhi dekh
ek musalsal be-waqufi ka amal hai zindagi
mere hisse mein jo aaya wo muqaddar tu bhi dekh


dusre ke tajarbe par tedhi buniyaaden na rakh
bulb ko apni hatheli se pichak kar tu bhi dekh
khwahishen kide-makodon ki tarah marne lagin
khud-kushi ki wardaton ka ye manzar tu bhi dekh


dekh andar ki ragad kitni aziyyat-nak hai
tang ka bosi khalaon mein utar kar tu bhi dekh