kis qayamat ki ghata chhai hai dil ki har chot ubhar aai hai dard badnam tamanna ruswa ishq ruswai hi ruswai hai us ne phir yaad kiya hai shayad dil dhadakne ki sada aai hai zulf o rukhsar ka manzar tauba sham aur subh ki yakjai hai hum se chhup chhup ke sanwarne wale chashm-e-aina tamashai hai dil tamanna se hai kitna be-zar thokaren kha ke samajh aai hai tum se 'mahir' ko nahin koi gila us ne qismat hi buri pai hai