laraz laraz to gaya ek charagh-e-nim-shabi
magar sambhal ke jala ek charagh-e-nim-shabi

sabhi dilon mein ajab khauf tha andhere ka
magar zara na dara ek charagh-e-nim-shabi

main sochta tha akela hi jal raha hun yahan
mera rafiq hua ek charagh-e-nim-shabi

na jaane kahna tha kya us ne sone walon se
pukarta hi raha ek charagh-e-nim-shabi

tapish huruf ki shayad usi ki lau se mili
meri ghazal mein jala ek charagh-e-nim-shabi