manzaron ki bhiD thi koi pas-e-manzar na tha

manzaron ki bhid thi koi pas-e-manzar na tha
karwan-e-waqt pahle aisa be-mehwar na tha
ek sada-e-be-sada ki gunj thi chaaron taraf
sirf sae rengte the koi bhi paikar na tha


kaun de ilzam kis par raushni ke qatl ka
badhne wali zulmaton ke hath mein khanjar na tha
thi hawaon ki wo sazish ya taqaza waqt ka
barhana the ped sare koi barg-e-tar na tha


apni fitrat hi azal se surat-e-simab thi
main rawan tha misl-e-dariya ghat ka patthar na tha
barish-e-sang-e-malamat yun to har jaanib se thi
sar-buland apni ana thi mujh ko fikr-e-sar na tha


tai hua kuchh is tarah sahra-e-hasti ka safar
jaise apne sar pe 'jauhar' gumbad-e-be-dar na tha