meri tum se shanasai bahut hai

meri tum se shanasai bahut hai
magar ehsas-e-tanhai bahut hai
bikhar jaun to khud hi hai simatna
ki ye duniya tamashai bahut hai


mujhe gharqab ho jaane ka hai dar
sarab-e-dasht dariyai bahut hai
chalo ab sach bhi kah kar dekhte hain
yahan shor-e-pazirai bahut hai


nahin wusat tere dariya-e-dil mein
magar aankhon mein gahrai bahut hai
yahan se kuch karna hi padega
tere kuche mein ruswai bahut hai


'asad' mushkil se ghabraata nahin hun
dimagh-o-dil mein yaktai bahut hai