raat apni thi KHwab apna tha

By adil-hayatJune 15, 2022
raat apni thi khwab apna tha
sath mere nisab apna tha
pas apne thi baadshahi bhi
har jagah mahtab apna tha


raushni bhi khilaf hai ab to
han kabhi mahtab apna tha
sare manzar hi ho gae ghaeb
aankh apni sarab apna tha


sari khushiyan thin aap ki jaanib
gham magar be-hisab apna tha
ban ke aankhon mein aks jaga hai
jo kabhi ham-rikab apna tha


16743 viewsghazalEnglish