sab apni qabr mein murda paDe hain

By malikzada-javedSeptember 24, 2023
sab apni qabr mein murda pade hain
dar-o-diwar par katbe jade hain
dhuan phaila hua hai raston par
hum apni sans ko roke khade hain


ujalon ko nazar mein qaid kar lo
diye tahzib ke bujhne lage hain
gharon mein amn ka mahaul rakhna
ki bachche kachchi mitti ke ghade hain


nazar aate nahin 'jawed' chehre
yahan to qad se aaine bade hain
46526 viewsghazalEnglish