tere firaq ke qisse tere visal ke dukh

tere firaq ke qisse tere visal ke dukh
bhula na pae hum ab tak wo mah-o-sal ke dukh
tere baghair hamein zindagi se kya lena
yahi bahut hai jo kat jaen tujh kamal ke dukh


hawwa ki beti hui qatl bhai ke hathon
koi na samjhega hiron ke mahiwal ke dukh
wo bachpana wo mohabbat bhulae kab hum ne
wo sukhe phul tere khat aur us rumal ke dukh


rahe hain aaj talak ye mere taaqub mein
tere uruj ki baaten mere zawal ke dukh
tumhaari zist mein 'shakir' kami rahegi sada
kabhi bides ke dhakke kabhi nihaal ke dukh