vabaa ke dino.n me.n 3

By arsalan-ahmadJanuary 29, 2021
kaun pahlii mohabbat nahii.n thaa
kaun aakhirii mohabbat nahii.n
kaun hai jo pahlii aur aakhirii mohabbat hai
kaun saa bachcha kis kii aulaad hai


kaun sii daulat kis par halaal hai
kis qatl kaa suraag kis zamiin me.n hai
musallas kab se hai aur kin tiin me.n hai
vabaa ke dino.n me.n


zaruurii hotaa hai
vasiyyat likh rakhnaa
36421 viewsashraEnglish