ye hai mera hindostan

ye hai mera hindostan
mere sapnon ka jahan
is se pyar hai mujh ko
hansta gata jiwan is ka dhum machate mausam


ganga jamuna ki lahron mein sat suron ke sargam
taj elora jaise sundar taswiron ke album
ye hai mera hindostan
mere sapnon ka jahan


is se pyar hai mujh ko
din albele raaten is ki masti ki saudagar
dharti jaise phut bahi ho dudh ki kachchi gagar
unche unche parbat is ke nile nile sagar


ye hai mera hindostan
mere sapnon ka jahan
is se pyar hai mujh ko
baadal jhume barkha barse pawan jhakole khae


dharti ke phaile aangan mein yun kheti lahrae
jaise bachcha man ki god mein rah rah ke muskae
ye hai mera hindostan
mere sapnon ka jahan


is se pyar hai mujh ko
radha sita chandr gay gay indubaal
nainon mein kajal ke dore surkh gulabi gal
zulfon ki wo chhaya jaise shimla nainital


ye hai mera hindostan
mere sapnon ka jahan
is se pyar hai mujh ko
dholak jagi mehndi lagi rang rangila sawan


sakhiyan mil mil holi khelen sanwarya ke aangan
ghunghat mein gori sharmae piya milan ke karan
ye hai mera hindostan
mere sapnon ka jahan


is se pyar hai mujh ko
raja-rani gudda-guddi aur pariyon ki kahani
bachchon ke jhurmut mein sunae baith ke budhi nani
lori gay matha chume mamta ki diwani


ye hai mera hindostan
mere sapnon ka jahan
is se pyar hai mujh ko
albela punjab hai is ka rumanon ki basti


subh-e-banaras sham-e-awadh aur shaalimar ki masti
bambai jaise shahr hain is mein dilli jaisi basti
ye hai mera hindostan
mere sapnon ka jahan


is se pyar hai mujh ko
ghaalib aur tagore yahin ke mera kali-das
yahin hua tha sachchai ka gautam ko ehsas
yahin liya tha sath ram ke sita ne ban-bas


ye hai mera hindostan
mere sapnon ka jahan
is se pyar hai mujh ko
mandir masjid hain to kahin hain girja aur shiwale


mulla pandit gita aur quran ke hain matwale
hindu muslim sikh isai desh ke sab rakhwale
ye hai mera hindostan
mere sapnon ka jahan


is se pyar hai mujh ko