aaKHirash kar liya qubul hamein

By zia-zameerNovember 30, 2020
aakhirash kar liya qubul hamein
us ne bheje hain lal phul hamein
ek ladki ka khwab hain hum bhi
koi samjhe nahin fuzul hamein


is qadar yaad kar rahe ho tum
yani jaoge tum bhi bhul hamein
hum hain khushbu hawa ke dosh pe hain
jald kar lijiye wasul hamein


mukhtasar kijiye kahani ko
aap to de rahe hain tul hamein
rah teri nahin takenge hum
shart ye bhi teri qubul hamein


aur kuchh rang sher mein aae
zindagi aur kar malul hamein
69270 viewsghazalEnglish