آنکھ سے جو نمی نہیں جاتی

آنکھ سے جو نمی نہیں جاتی
غم کی شدت سہی نہیں جاتی
اک نہ اک بات ایسی ہوتی ہے
جو کسی سے کہی نہیں جاتی


میری تو جان پر بنی ہوئی ہے
اور تری دل لگی نہیں جاتی
تو مرے روبرو نہ ہو جب تک
دل کی حالت کہی نہیں جاتی


وقت یوں تو گزرتا جاتا ہے
ہجر کی اک گھڑی نہیں جاتی
عمر پردیس میں گزاری پر
دیس کی تشنگی نہیں جاتی


جھوٹ چہرے پہ درج ہے تیرے
داستاں تک گھڑی نہیں جاتی
کر چکا پاش پاش وہ دل کو
غم کی شدت سہی نہیں جاتی


یوں میسر مجھے سبھی کچھ ہے
ایک تیری کمی نہیں جاتی
رنگ خوشبو گلاب سب کچھ ہے
دل کی بے رونقی نہیں جاتی


قصر منعم سقوط منعم ہے
دل کی پر بے کلی نہیں جاتی
یہ جو تلخی ہے اس کے لہجے میں
شمسہؔ مجھ سے سہی نہیں جاتی