aashna hote hi us ishq ne mara mujhko

aashna hote hi us ishq ne mara mujh ko
na mila bahr-e-mohabbat ka kinara mujh ko
kyun mere qatl ko talwar barhana ki hai
tegh-e-abru ka to kafi hai ishaara mujh ko


dam-dilase hi mein tala kiye har roz aakhir
sukhe ghat ai gul-e-tar khub utara mujh ko
main yahan muntazir-e-wada raha lekin wo
rah gae aur kahin de ke sahaara mujh ko


aakhir insan hun patthar ka to rakhta nahin dil
ai buto itna satao na khuda-ra mujh ko
apne begane se ab mujh ko shikayat na rahi
dushmani kar ke mere dost ne mara mujh ko