ab tak kahin tu fikr mein aabaad hi na ho
ye iztirab-e-qalb teri yaad hi na ho

dhoka na ho tumhaari nazar ka ai bismilo
hamdard jo bana hai wo sayyaad hi na ho

jo mit gaya hai ishq mein dil khush-nasib hai
us dil ka masala hai jo barbaad hi na ho

kya sochta hai apne par-o-baal dekh kar
wo tair-e-gharib jo aazad hi na ho

ye be-rukhi alamat-e-dard-e-kuhan na ho
ye khamushi kahin koi fariyaad hi na ho