agarche saKHt safar hai dhuan ghana hoga

agarche sakht safar hai dhuan ghana hoga
kahin koi to meri rah dekhta hoga
tamam hota kahan hai kabhi nadi ka safar
wo ja mile to samundar bhi rasta hoga


azab aae sitam aae saneha aae
main muntazir hun ki kuchh zist mein naya hoga
main mar gaya to meri buzdili khabar hogi
main ji gaya to tera shukriya ada hoga


sitare tank raha hai jo khwab mein sab ke
wo surkhiyon se khabar ki hi lapata hoga
wo jis ne hum ko bhulawe si zindagi di hai
zarur us ne koi rasta diya hoga