ahl-e-danish ki nigahon mein hadaf koi nahin sar to ab bhi hai magar sang-ba-kaf koi nahin halqa-e-kam-nazaran ‘aqibat-andesh na tha main usi rah gaya jis ki taraf koi nahin da'wa-e-nam-o-nasab sab ki zaban se jari waqi'a ye hai ki paband-e-salaf koi nahin khud-nigah-dari ki padash mein ruswa hue hum hasil is kaam mein to izz-o-sharaf koi nahin pi bhi leta hun jo mail-ba-karam ho wo nigah warna is khak ke putle ko shaghaf koi nahin 'anjum' ab ahl-e-zamana se tawaqqo' kaisi abr-e-naisan ke muqaddar mein sadaf koi nahin