apni be-mausami si mohabbat ka izhaar kar ke mujhe aise mail na kar yar tu jaanta hai main pahle hi tanha hun so tu mujhe aur tanha na kar dekh main jaanta hun tere hijr aur wasl ke bhed ko ishq ke wed ko tu mujhe hijr mein rakh ya phir wasl mein han magar un ke mabain ruswa na kar zindagi aur waqt apne apne tain kitne be-rahm hain sab ko malum hai in ke hathon lage zakhm bharne bhi de waqt be-waqt ab in ko chheda na kar